Raia wa Sudan Kusini aonyesha video akiwa na pesa nyingi kitandani

Haki miliki ya pichaLAWRENCE LUAL MALONG YOR J

Image captionRaia wa Sudan Kusini aonyesha video akiwa na pesa nyingi kitandani

Mwanamume mmoja raia wa Sudan Kusini ambaye anajiita bilionea, amechapisha video kwenye mtandao wa Facebook akionyesha akiwa kwenye kitanda kilichojaa pesa ambazo anadai kuwa ni dola milioni moja

Katika ukanda huo wa dakika nane Lawrence Lual Malong Yor Jn, anazungumza kuhusu vile atatoa pesa hizo kwa kanisa moja iliyo mji mkuu wa Kenya Nairobi. Pia anasema kuwa atatoa pesa hizo kwa shirika la msalaba mwekundu nchini Kenya na nchini Sudan Kusini.

Bwana Malong ambaye pia anajulikana kama Young Tycoon, hasemi vile alipata pesa hizo lakini anasikika akilalamika kuwa watu humkosoa kwa kuonyesa pesa lakini wao husshindwa kutaja misaada yake.

"Mimi ni kama Donald Trump," anasema Malong

Gazeti la Uingerzea la Daily Mail liliripoti kuwa mwaka uliopita bwana Malong alichapisha video nyengine katika mtandao wa Facebook kuonyesha maisha yake.

Daily Mail ilimtaja kuwa mtoto wa kambo wa jenerali mmoj nchini Afrika Kusini.

Wasichana 82 wa Chibok, waachiwa huru na Boko Haram Nigeria

Haki miliki ya pichaGETTY IMAGES

Image captionPicha ya baadhi ya wasichana wa Chibok waliotekwa nyara muda mfupi mwezi Mei 2014

Ofisi kuu ya Rais wa Nigeria imethibitisha kuwa wanafunzi 82 wa shule ya wasichana wa Chibok, waliotekwa nyara na wanamgambo wa kiislamu wa Boko Haram mnamo mwaka wa 2014, wameachiwa huru.

Maafisa wanasema kuwa waliachiwa huru, kufuatia majadiliano ya muda mrefu na ubadilishanaji washukiwa wa Boko Haram, waliokuwa wamezuiliwa na wakuu wa nchi hiyo.

Wasichana hao ni miongoni mwa zaidi ya wanafunzi wanafunzi 270 waliotekwa nyara kutoka shule ya malazi katika mji wa Chibok ulioko kaskazini mashariki mwa Nigeria.

Wasichana hao wote 82 kwa sasa wanalindwa na jeshi la Nigeria mahali salama, baada ya kuletwa kwa barabara kutoka maeneo ya ndani kabisa vijijini, hadi katika kambi ya jeshi ya Banki, karibu na mpaka na Cameroon, hayo ni kwa mjibu wa mwaandishi habari wa BBC Stephanie Hegarty kutoka Lagos.

Haki miliki ya pichaTHINKSTOCK

Image captionRamani ya Nigeria inayoonyesha mji wa mpakani wa Banki

Mwaandishi wetu anasema kuwa, familia nyingi huko Chibok wamefurahia taarifa hiyo ya hivi punde lakini wapiganaji hao wa Boko Haram, wangali wakiwazuilia zaidi ya wanafunzi 100.

Ni sehemu ya maelfu ya watu ambao wametekwa nyara na wanamgambo hao, walioanzisha vuguvugu hilo miaka minane iliyopita.

Haki miliki ya pichaAFP

Image captionWasichana 21 walioachiwa huru Oktoba 2016

Utekaji nyara huo ambao ulifahamika baadaye kama "Chibok girls" ulisababisha kilio kikubwa kote duniani na kampeini za kutaka waachiwe huru ikatanda kote katika mitandao ya kijamii.

Kabla ya hatua hii ya hivi punde ya kuwaachia wasichana hao, inakisiwa kuwa zaidi ya wasichana 195 wangali hawajulikani waliko.

Idadi ya washukiwa wa Boko Haram ambao wameachiwa huru na utawala wa Nigeria, bado haijajulikana.

Mshirikishe mwenzako